有趣交通標誌系列(一):巴西

分享文章:

同大家預告吓,下一篇「誌同道合」嘅文章同巴西有關,但小編發現當地嘅交通標誌同我地平時喺港澳見到嘅意思有唔少落差,而且喺設計上幾有趣,所以想先同大家介紹一下。大家估唔估到下圖標誌嘅意思呢?

第一個標誌唔係好簡單咩?睇圖就知解做「禁止單車通行」啦!但喺巴西,「指令標誌」(例如:前面路口轉右)原來並唔會用我地喺港澳慣常睇到嘅藍色背景,而喺用紅色邊界表示,正好同港澳地區嘅意思完全相反!咁如果要表示「禁止」,標誌會係點呢?就會同「禁止吸煙」一樣,有斜向嘅紅色線。
澳門禁止單車通行標誌

港澳的禁止機動車輛通行標誌
巴西的禁止駛入標誌,與港澳地區的紅底白線設計不同

巴西的前方右轉標誌

巴西聖保羅的單車徑標誌與單車徑
根據上一題嘅答案,大家應該諗到第二個標誌係要駕駛者遵守標誌公仔顯示嘅事項,但係E代表乜野意思呢?小編早前去過巴西,發現當地大部分人都唔識講英文,可能係因為南美洲去其他國家都好遠,而英文喺南美洲並唔流行嘅關係吧。因為咁,交通標誌固然要遷就本地人,取自當地母語-葡萄牙文,而E嘅長寫係「Estacionar」,意思係泊車-Parking。至於「禁止泊車」及「禁止停車」標誌,則與港澳地區相似,都是以一條斜向紅線與一個交叉紅線組成。
巴西的不准停車標誌
港澳地區的不准停車標誌
最後一個標誌雖然好易畀大家估到同小朋友有關,但小編覺得好有趣,所以放埋喺到。呢個標誌嘅意思係「學校區域」,提醒駕駛者要小心學童,但小朋友手中嘅物件比較細,睇嚟好似錢多過書,而大人就好似啱啱畀完零用錢,多過同小朋友一齊行。

我地之後會再為大家介紹世界各地得意嘅交通標誌,記得密切留意我哋嘅Facebook Page 😀
https://www.facebook.com/d.signage.hk

分享文章: